Առաջին աշխատանքային ժամերը կարող են զգալի ազդեցություն ունենալ հետագա մի քանի ժամերի գործունեության արդյունավետության վրա, գրում է Forbes-ը՝ փորձագետների խորհրդատվության հիման վրա պատկերավոր հայտնելով, թե ինչ պետք է անել աշխատանքը սկսելիս, որպեսզի հաջողությունը երաշխավորվի:
Աշխատանքի գալ ժամանակին. աշխատանքից ուշանալը ոչ միայն կարող է ձեր մասին պատկերացումը փչացնել ուրիշների մոտ, այլև խաթարել հենց ձեր ամբողջ օրը:
Խորը շունչ քաշել՝ բառի բուն իմաստով, այդ ընթացքում կենտրոնանալով անելիքի վրա: Դադարի այդ ակնթարթը իրականում կարող է նպաստել հրաշքներ գործելուն:
5 րոպե հատկացրեք ինքներդ ձեզ. այդ ընթացքում թույլ մի տվեք, որ իրար խառնված գործընկերները շփոթեցնեն ձեզ, քանի որ դրանից հետո պետք է գլխովին մխրճվեք գործի մեջ:
Ամեն օրը թարմ էջից սկսեք. փորձեք ամեն օրվան վերաբերվել որպես նոր օրվա, այլ ոչ թե նախորդի շարունակության՝ «երեկ»-ում թողնելով «երեկվա եղած-չեղածը»:
Առանց վատ տրամադրության. աշխատանքային օրվա առաջին ժամը հաջորդ ամբողջ օրվա բարոմետրն է, ուստի հավաքեք ձեզ, քանի որ վատ տրամադրությունը կարող է ազդել ամբողջ կոլեկտիվի վրա:
Կազմակերպեք ձեր օրը. աշխատանքային օրվա առաջին ժամն ամենալավ շրջանն է՝ առաջնահերթություններ սահմանելու համար: Չափազանց շատ մարդիկ են շեղվում ոչ ամենակարևոր գործից սկսելով, ինչպիսիք են օրինակ էլեկտրոնային նամակները: Օրը ճիշտ կազմակերպելու համար «անելիքի ցուցակ» կազմեք: Իսկ առաջնահերթությունները խախտել կարելի է, եթե ղեկավարը շտապ առաջադրանք ունի:
Ուշքի եկեք. նույնիսկ եթե «առավոտյան մարդ» չեք, գրասենյակում «արթնացեք»: Սա կարևոր է հատկապես ղեկավար պաշտոնների անձանց համար:
Շփում գործընկերների հետ. թիմի հետ 5-10 րոպեանոց հավաքը ևս կարող է օրվա արդյունավետ մեկնարկ լինել: Դրա ընթացքում հենց ոտքի վրա յուրաքանչյուրը կարող է նշել օրվա իր գերագույն նպատակը: Այսպես կոլեկտիվը շփվում է՝ որպես թիմ:
Հետևեք, որպեսզի աշխատանքային տարածքը կարգի բերված լինի. դա ինչպես հետագա օրվա տրամադրություն է ապահովում, այնպես էլ թույլ է տալիս խուսափել շփոթմունքից: Սեղանը մաքրելը լավ է սկսել նախորդ օրվա երեկոյից և դա պետք է ավելի նախապատվելի լինի, քանի էլ. փոստը ստուգելը կամ առավոտյան գործընկերների հետ խոսելը:
Թող Inbox-ը չշեղի ձեզ. շատ փորձագետները նշում են, որ սխալ է ամենից առաջ փոստը ստուգելը, չնայած դա չանելը ամենաբարդն է շատ մարդկանց համար: Անմիջապես պատասխանել արժե միայն իսկապես շտապ նամակներին: Էլեկտրոնային նամակները և առհասարակ ցանցը անասելի շատ ժամանակ են խլում: Եթե դուք սպորտային հաշիվներ եք ստուգում առցանց, 20 րոպե նայում զվարճալի կատվի վիդեոն, վատ կազմակերպված Oscar-ը կամ նորությունները, ապա ձեր օրվա ծրագիրը դեն է նետվում՝ նախքան դրա սկսվելը:
Մի արհամարհեք գրասենյակային հեռախոսը. շատ մարդիկ սևեռվում են համակարգչին ու բանի տեղ չեն դնում հեռախոսը: Բջջայինների պարագայում գրասենյակային հեռախոսը «անտիկ իր» է դառնում, սակայն այսօր էլ շատ մարդիկ ձայնային հաղորդագրություններ են թողնում, որոնք չպետք է արհամարհել:
Անել ամենակարևոր զանգը և ուղարկել ամենակարևոր նամակը. եթե գիտեք, որ հարկավոր է կապվել մեկի հետ, ապա նախևառաջ զանգեք նրան կամ ուղարկեք էլեկտրոնային նամակը: Եթե դա ձգձգեք մինչև օրվա կես, ապա ամենայն հավանականությամբ օրվա ավարտին դեռ պատասխան չեք ունենա:
Օգտվեք ձեր «մաքուր գլխի» առավելությունից. շատ մարդիկ ասում են, որ առավոտյան իրենց գլուխն ամենից լավ է աշխատում: Հենց դա նկատի ունենալով՝ պետք է հասկանալ, թե ինչպես լավագույնս կարող եք օգտագործել ձեր ուղեղի ուժը՝ «շատ ուղեղ պահանջող» աշխատանքն անելով առավոտյան:
Առավոտվա կեսին դադար ծրագրեք. չնայած աշխատանքային առօրյային, ճիշտ կլինի առավոտվա կեսին գտնել մի պահ, որը կնվիրեք ինքներդ ձեզ վերստին «կյանքի կոչելուն»: Այդ ժամանակ էլ պետք է ձևավորել կարևոր սովորություններ, որոնք կօգնեն ավելի կենտրոնացած լինել ու արդյունավետ գործել: