Հարսանիքը ինչպես կնոջ, այնպես էլ տղամարդու կյանքում հիանալի իրադարձություն է, սակայն, ցավոք, շատ դեպքերում ամուսնությունն ավարտվում է ապահարզանով։ Եվ դրանում վերջին դերը չեն խաղում սխալ պատկերացումները։

Այսպես՝ այս մտքերով չի կարելի ամուսնանալ

1. Բոլորն արդեն ամուսնացած են եւ երեխաներ ունեն, իսկ ես մենակ եմ

Շտապելը դեռ ոչ մեկին չի օգնել ճիշտ ընտրություն կատարելու հարցում։ Բացի այդ, լավ միայնությունը միապաղաղ ամուսնությունից լավ է։

2. Ամեն բան կփոխվի հարսանիքից հետո

Իհարկե, եթե նախքան ամուսնանալը նա իրեն թույլ է տալիս խմել, աղջիկների սիրահետել, ձեզ վրա ձեռք բարձրացնել, ապա անձնագրում  կնիքը նրան կախարդական ձեւով չի փոխի։ Պատրանքներ մի՛ տածիր։ Նրան ուշադիր նայի՛ր. հենց այդ նույն մարդու հետ ես դու պատրաստվում ապրել։ Պատրա՞ստ ես

3. Ես հոգնել եմ մենությունից

Երբեք չի կարելի ինչ–որ բան սկսել բացասական հույզերով առաջնորդվելով։ Բարձրաձայն ասա քո ցանկությունը. «Ես ուզում եմ ամուսնանալ, քանի որ հոգնել եմ մենությունից եւ չեմ ուզում միայնակ մնալ»։ Տեսնու՞մ ես. կատարյալ բացասական հույզեր։ Հոգնել եմ, մենություն, չեմ ուզում, միայնակ… Անգամ եթե ամուսնանաս, անգիտակցաբար կսկսես քայքայել ընտանիքդ ներսից։

4. Ինձ համար միեւնույնն է, որ մենք տարբեր ենք

Իհարկե, վատ է ապրել սեփական ստվերի հետ։ Բայց կա փոխլրացնող բազմազանություն եւ կա անհամատեղելիություն։ Օրինակ՝ նա պաշտում է մաքրությունը, իսկ դու չլվացած ամանները թողնում ես լվացարանում։ Կամ դու հավատարիմ ես, իսկ նա ազատություն է սիրում։ Չի կարելի նաեւ հաշվի չառնել մտավոր մակարդակների տարբերությունը։

5. Ես նրան սիրում եմ, իսկ մնացածը կարեւոր չէ

Սերը լավ բան է, բայց այն չպետք է դուրս մղի մնացած բաները։ Մասնավորապես քո հետաքրքրությունները, ձգտումները եւ ցանկությունները։