Արքայազն Հարին ու նրա կինը՝ Մեգան Մարքլն, ամուսնացել են 2018թ.-ի մայիսի 19-ին։ Արարողությանը բառացիորեն հետեւում էր ամբողջ աշխարհը Թագավորական պարտականություններից հրաժարվելուց եւ ԱՄՆ տեղափոխվելուց հետո Մեգանն եւ Հարին ծրագրում են եւս մեկ արարողություն կազնմակերպել՝ միայն ամենամտերիմների համար եւ օվկիանոսի ափին, գրում է Entertainment daily-ն։

Սակայն երկրորդ հարսանիքն առավել պրագմատիկ բավատրություն ունի՝ ամուսնությունը, որը կայացել է ԱՄՆ տարածքւմ, Հարիին այս երկրում աշխատելու պաշտոնական իրավունք կտա։

Առայժմ Մեգան Մարքլն ու Հարին դիտարկում են գումար աշխատելու տարբեր միջոցներ։ Օրինակ՝ նրանք պատրաստ են պատմել թագավորական ընտանիքում իրենց կյանքի մասին։ Բացի այդ՝ նրանք պատրաստվում են պատմել նաեւ այն մասին, թե ինչն է իրենց ստիպել Անգլիայից Ամերիկա տեղափոխվել։ Այդ բացառիկի արժեքը հավասար է միլիոն դոլարի։