Հոլիվուդյան դերասան, քաղաքական գործիչ Առնոլդ Շվարցենեգերը պատմել է, որ 2018թ. մարտին սրտի վեցերորդ վիրահատության ժամանակ հազիվ է փրկվել մահից: Այս մասին հայտնում է բրիտանական Mirror-ը:

 

«Որքան մեծանում ես, այնքան ավելի դժվար է դառնում: Մարմինն այլևս այդքան արագ չի վերականգնվում, բայց ես արագ վերականգնվեցի և նույնիսկ վերադարձա մարզասրահ՝ շարունակելու մարզվել վերջին «Տերմինատորում» նկարահանումների համար», -նշել է դերասանը:

Բացի այդ, Շվարցենեգերը հավելել է, որ երբ նոր էր սկսել մարզվել, բժիշկները և մարզիչները իրեն արգելել էին պառկած վիճակում ձգումներ կատարել:

Այնուամենայնիվ, բարդ վիրահատությունը չի խանգարել 72-ամյա դերասանին  վերականգնել նախկին մարզավիճակը:

«Ես դեռ կարող եմ ինձ թույլ տալ էկրանին մերկ հայտնվել»,- ասել է նա:

 

Տերմինատոր. Մութ ճակատագիր» ֆիլմը մեծ էկրան կբարձրանա 2019 թվականի հոկտեմբերի 31-ին: