Ինչու ֆրանսիացի երեխաները հիստերիա չեն սարքում:

Փոքրիկի կյանքի առաջին տարին

Ֆրանսիայում երիտասարդ մայրերն աշխատանքի են վերադառնում երեխայի ծնվելուց 10 շաբաթ անց: Ավելին՝ տանը մնալու համար պետք է հրաժարվեն աշխատավարձից հօգուտ ոչ մեծ նպաստի: Երեխային դայակն է խնամում, կամ նրան տանում են մանկամսուր: Երեխան փոքր տարիքից լինում է օտար մարդկանց միջավայրում, ավելի արագ է հարմարվում և ավելի անկախ է դառնում ծնողներից:

Ֆրանսիացի երեխաներն իրենց անկողնում են քնում

Եթե գիշերը երեխան լաց է լինում, մայրը մի քանի վայրկյան սպասում է, հետո է գնում երեխայի մոտ: Այդպես քայլ առ քայլ երեխան սովորում է մենակ քնել:

Բարության տեխնիկան

Ֆրանսիացի ծնողներն աշխատում են երեխային այնքան ազատություն տալ, որքանից նա կարող է գլուխ հանել: Նրանք նաև չեն միջամտում ուրիշ երեխաների հետ իրենց փոքրիկների վեճերին՝ երեխային թույլ տալով սովորել ինքն իրեն պաշտպանել:

Պատժում են միայն մեծ սխալների համար․ եթե փոքր չարությունների համար էլ պատժեն, երեխան տարբերությունը չի տեսնի:

Երեխաներին չեն թողնում տատիկների և պապիկների մոտ

Սովորաբար նրանք թոռներին հանդիպում են տոներին կամ հանգստյան օրերին:

Սեղանի մոտ ուտելու մշակույթը

Երեխաները և մեծերը նույն բանն են ուտում, Ֆրանսիայում «մանկական» սնունդ գործնականում չկա:

Լավ շարժուձև են դաստիարակում

Ծնողները երեխաներին մանկուց լավ շարժուձև են սովորեցնում: Փոքր ֆրանսիացին երեխա ժամանակվանից սկսում է բարևել հյուրերին և հարևաններին, իրեն հանգիստ պահել հերթի մեջ, հասարակական տրանսպորտում տեղը զիջել տարեցներին: Երեխաներին բարուրից սովորեցնում են ասել «շնորհակալություն», «բարի օր», «խնդրում եմ», «ցտեսություն»:

Ուսուցումը տանն են սկսում

Հաճախ ֆրանսիացի երեխան 5 տարեկանում դեռ կարդալ չի իմանում: Մանկությունը հրաշալի ժամանակ է, երբ կարելի է սովորել երազել, ճանաչել շրջապատող աշխարհը, սովորել բարեհամույր և պատասխանատու լինել: Իսկ մինչև 6 տարեկանը երեխան հաստատ կհասցնի սովորել կարդալ, գրել, թվերը:

Գրպանի փող են տալիս

Սուպերմարկետում երեխաները հիստերիա չեն սկսում, որովհետև ծնողները հրաժարվում են գնել իրենց ուզած կոնֆետը, քանի որ այդ ամենը կարելի է գրպանի փողով գնել: Առաջին գրպանի փողը երեխաները ստանում են 7 տարեկանում:

Կիրակին ընտանեկան օր է

Ֆրանսիացիները շատ խնամքով են վերաբերվում այդ օրվան և աշխատում են բոլոր գնումները և ամբողջ մաքրությունը շաբաթ օրն անել: