Բաղադրիչներ

  • օղի - 250 մլ
  • սերուցք մինչև 20% յուղայնությամբ - 150 մլ
  • կակաո - 100 գր
  • վանիլին - 1/2 թ/գդ
  • կաթ - 500 մլ
  • շաքարավազ - 500 գր

Պատրաստման եղանակ

Կաթսայի մեջ խառնում ենք կաթն ու սերուցքը։shokolad-krem-likyor-2
Ավելացնում ենք վանիլինի կեսը, կակաոն, շաքարավազը և անընդհատ խառնում ենք, որպեսզի գնդեր չմնան։ Զանգվածը հասցնում ենք եռման աստիճանի, այնուհետև կրակի տակը ցածրացնում ենք և անընդհատ խառնելով 30 րոպե եփում։ 30 րոպե հետո կրակի վրայից վերցնում ենք և թողնում ենք սառչի։
shokolad-krem-likyor-3
Ստացված զանգվածը մաղով անցկացնում ենք, որպեսզի գնդերը վերացնենք։ Անընդհատ գդալով խառնելով աստիճանաբար օղի ենք լցնում։ Ավելացնում ենք մնացած վանիլինը և այնքան խառնում մինչև համասեռ զանգված ստանանք։
shokolad-krem-likyor-4
Պատրաստի շոկոլադե լիկյորը լցնում ենք ապակյա շշերի մեջ(նախապես ստերիլիզացրած)։ Պահում ենք սառնարանի մեջ։
Օգտագործելուց առաջ հանում ենք սառնարանից, լցնում բաժակների մեջ, զարդարում ըստ ցանկության և խմում:
shokolad-krem-likyor-5

Շոկոլադե լիկյորի համար, ավելի հարմար է օգտագործել շագանակագույն շաքարավազը