Բեթմենի շուրջ 450 կոմիքսներից բաղկացած և 1.4 մլն ԱՄՆ դոլար արժողությամբ հավաքածուն ԱՄՆ Ֆլորիդա նահանգի Բոկա-Ռատոն քաղաքից գողացվել է: Այս մասին հայտնում է «ՌԻԱ Նովոստի»-ն:
Հավաքածուի սեփականատերը՝ Ռենդ Լոուրենսը կատարվածը հայտնաբերել է հունվարի 9-ին ու անմիջապես դիմել ոստիկանություն: Նրա խոսքով՝ միակ մարդը, ով տեղյակ էր այդ հավաքածուից, եղել է աշխատողը, ով պահեստում, որտեղ պահվում էին կոմիքսները, հուլիսին վերացրել է ջրի արտահոսքը:
Այն բանից հետո, ինչ հայտնի է դարձել գողության մասին, Լոուրենսը խնդրել է օգնել և տեղեկացնել, եթե որևէ մեկը տեսնի դրանք վաճառքում:
