Դերասան, հաղորդավար Ռաֆայել Ղազանչյանը BRAVO.am-ին պատմել է վերջերս հեռուստատեսությամբ շատ չերեւալու պատճառների, սոցցանցերում ակտիվ չլինելու, նոր նախագծերի, վստահություն ներշնչող մարդկանց, իր բաժին երջանկության եւ դստեր հետ պատահած միջադեպի մասին։
«Մարդիկ սպասում են…
Ժամանակ կար, երբ ես առհասարակ չէի օգտվում «Ֆեյսբուք»-ից: Հիմնական պատճառն այն էր, որ ժամանակ էր խլում, հիմա էլ ակտիվ ինձ չեմ համարում այս տիրույթում: Եթե գործնական առումով, որպես գործիք պետք է լինում այդ հարթակն օգտագործել, ապա, իհարկե լավ է, բայց եթե պետք է ուղղակի մտնես, տեսնես՝ ով ինչ է անում, ով ինչ ասաց, այնքան էլ նպատակային չէ, իսկ «Ինստագրամ»-ում չեմ էլ հիշում՝ վերջին անգամ երբ եմ լուսանկար տեղադրել կամ որեւէ գործողություն կատարել։
Վերջին շրջանում «Ֆեյսբուք»-ում պարզապես չէիր կարող չլինել ակտիվ, բացատրեմ՝ ինչու, որովհետեւ, երբ դու կաս վիրտուալ տիրույթում այս խառը իրադարձությունների ժամանակ եւ ոչինչ չես գրում, այսինքն՝ ավելի չեզոք ես, ապա արձագանքը բացասական է: Նույնիսկ այն մարդիկ, ովքեր քեզ լավ գիտեն, ճանաչում են, բոլոր դեպքերում սպասում են, որ ինչ-որ բան կասես։
Եթերում չլինելու մասին
Այս դադարի համար կան մի քանի պատճառներ. առաջինը՝ հեռուստատեսությունն արդեն այն դաշտը չէ, որտեղ կարող ես իրագործել մտածածդ նախագծերը, մյուսը հեռուստատեսային նախագծերի սահմանափակ լինելն է, որովհետեւ կամ առավոտյան որեւէ ծրագրի առաջարկ է, որը ժամանակին ես արել եմ ու, կարծում եմ, վատ չի ստացվել, կամ նման ձեւաչափի մի բան, ինչն էլ չեմ անի. կստացվի նույնը, որովհետեւ ժամանակը փոխվել է, եւ պետք է շարժվել համընթաց՝ հետաքրքրությունը չկորցնելու համար։
Ազատության եւ դրա հետեւանքների մասին
Ես միշտ ազատ եմ եղել եւ հիմա էլ ազատ եմ իմ խոսքում, ինչը նույնպես նպաստեց հեռուստատեսությունում քիչ երեւալուս։ Այն ժամանակ, ինչու եմ ասում՝ այն ժամանակ, որովհետեւ հիմա կիսում ենք՝ մինչ 2018 թվականը եւ դրանից հետո, այն ժամանակ, երբ դու ազատ էիր քո խոսքում եւ արտահայտվում էիր ազատ, դա կարող էր խանգարել, հիմա, հուսով ու վստահ եմ, որ այլ կլինի։
Նյութն ամբողջությամբ՝ սկզբնաղբյուր կայքում։
