1. Բացառել յուղոտ ուտեստները

Կառուցվածքին հետևողներից շատերը թույլ են տալիս այս սխալը։ Այսպիսի դիետան վնաս է հասցնում ինչպես ամբողջ օրգանիզմին, այնպես էլ մաշկին։ Մաշկն ավելի արագ է սկսում պատվել կնճիռներով։

2. Ձողիկով հյութ ըմպելը

Երբ մենք ձողիկով հյութ ենք ըմպում, մեր շուրթերը հավաքվում են, և դրա արդյունքում առաջանում են կնճիռներ այդ շրջանում։ Ի դեպ, սա վերաբերում է նաև ծխելուն, այնպես որ, եթե դուք պատկանում եք ծխողների շարքերին, սակայն անհանգստանում եք ձեր արտաքինի մասին և ցանկանում եք երիտասարդ տեսք ունենալ, ապա ժամանակն է ազատվել այդ վատ սովորությունից։

3. Կողքի վրա քնելը

Երբ մենք քնում ենք կողքի կամ փորի վրա, մեր դեմքը բառացիորեն ընկղմվում է բարձի մեջ։ Սա հանգեցնում է կնճիռների վաղաժամ առաջացման այտերի և կզակի հատվածում։ Այս առումով ամենահարմար դիրքը քնելու համար մեջքի վրա քնելն է։

4. Մեջքը ուղիղ չպահելը

Երբ մենք կուզը վրա գցած և սխալ դիրքով ենք նստում, մեր ողնաշարը ծռվում է։ Մկանները ենթարկվում են անհավասարաչափ ճնշման, և մենք սկսում ենք զգալ հոգնածություն։

5. Արևից պաշտպանվելու միջոցներ օգտագործել միայն հանգստի գնալիս

Ուլտրամանուշակագույն ճառագայթները վաղաժամ ծերության հիմնական պատճառներից են։ Այսպիսով՝ պետք է օգտագործել հատուկ քսուքներ անգամ մռայլ օրերին, քանի որ ուլտրամանուշակագույն ճառագայթների 80%-ը ներթափանցում է ամպերի միջով։

6. Չարաշահել ջեռուցման համակարգը

Սենյակի ջեռուցման հետևանքով սենյակային օդը դառնում է շատ չոր։ Սա միանգամից անդրադառնում է մեր մազերի և մաշկի վրա, որոնք մինագամից կորցնում են խոնավությունը։

7. Ամբողջովին քաղցրից հրաժարվելը

Իհարկե, մեծ քանակությամբ քաղցրը վնասակար է առողջությանը, սակայն հոգեկան հավասարակշիռ վիճակը պակաս կարևոր չէ։ Այնպես որ, երբեմն ձեզ թույլ տվեք քաղցր վայելել։

8. Չափից դուրս շատ հեռուստացույց դիտելը

Հեռուստացույցի դիմաց անցկացրած մեկ ժամը կրճատում է կյանքը 22 րոպեով։ Ի դեպ, սա վերաբերում է նաև համակարգչին։

9. Քիչ քնելը

Մեծահասակներին անհրաժեշտ է քնել օրական 7 (ցանկալի է 8) ժամ։ Երբ մենք ավելի քիչ ենք քնում, դա անդրադառնում է մեր օրգանիզմի աշխատանքի և արտաքին տեսքի վրա։

10. Սթրեսից տառապելը

Խրոնիկ սթրեսը լուրջ վնաս է հասցնում բջիջներին՝ խախտելով դրանց ռեգեներացիան։ Օրգանիզմը ավելի արագ է «մաշվում» և ծերանում։ Հաճախ մենք ինքներս ենք մեր սթրեսի պատճառը հանդիսանում մեր իսկ անկազմակերպվածությամբ։ Այսպիսով՝ նմանատիպ սթրեսից խույս տալու համար ամեն ինչ արեք ճիշտ ժամանակին և մի՛ սպասեք deadline-ի վերջին մի քանի ժամին։