Արամեն մինչ տարեվերջ ստեղծագործական բուռն գործունեություն կծավալի: Երգիչը օրերս Երեւանում նոր տեսահոլովակ է նկարահանել «Համով-հոտով» երգի հիման վրա, իսկ այսօր արդեն Միացյալ Նահանգներում է, որտեղ հոկտեմբերի 9-ին առաջին անգամ մենահամերգով հանդես կգա ամերիկաբնակ հայերի առջեւ, որից հետո էլ Սիլվա Հակոբյանի հետ հյուրախաղեր կսկսի Ռուսաստանում:
«Չորս ամիս է, ինչ նախապատրաստվում ենք Փասադենայում կայանալիք մենահամերգին: Ամեն մանրուք հաշվի ենք առել, շատ մանրակրկիտ աշխատանք ենք կատարել, կարծում եմ՝ արդյունքը գոհացնող կլինի: Հետաքրքրի շոու ծրագիր ենք նախատեսել: Հնչելու են արդեն իսկ ճանաչված ու սիրված երգեր, սպասվում են պրեմիերաներ: Զուգերգով հանդես կգամ կնոջս՝ Աննայի հետ: Այս երգը նույնպես առաջին անգամ է հնչելու: Բոլոր պատասխանատու պահերին կինս կողքիս է, այս անգամն էլ բացառություն չէ»,-BRAVO.am-ին ասել է նա:
Իսկ ահա ռուսաստանյան շրջագայության ժամանակ Աննան չի ուղեկցի ամուսնուն.«Նա ինձ հետ չի լինի, որովհետեւ ահավոր տանջալի ճամփորդություն է սպասվում: Շատ կուզեի, որ ինձ հետ լիներ, բայց միեւնույն ժամանակ, չեմ ուզում՝ տանջվի»,-նշել է երգիչը:
Վերջերս Արամեն զուգերգով է ներկայացրել Անժելիկա Ագուրբաշի հետ: Ասում է՝ նրա հետ աշխատելու միտքն իրենն է.«Պրեմիերան եղավ ռուսական «RU TV»-ով եւ եւ «Ռուսսկայա ռադիո»-ով: Կարծում եմ՝ դրանից մեծ հաջողություն չէինք կարող ակնկալել: Շատ լավ արձագանքներ ենք ստացել, ինչի համար շնորհակալ ենք մեր հանդիսատեսին»:
Նյութն ամբողջությամբ` սկզբնաղբյուր կայքում:
