Disney-ը նոր ֆիլմ Է նկարահանելու Մերի Փոփինսի մասին, հաղորդում Է «Արմենպրես»-ը՝ հղում անելով The Hollywood Reporter-ին:

 

Նոր ժապավենի գործողությունը ծավալվելու Է 1964 թվականի դասական հոլիվուդյան ֆիլմի գործողություններից 20 տարի անց: Սյուժեի հիմքում նույնպես կլինեն Փամելա Թրեւերսի գրքերը:

 

Նոր «Մերի Փոփինս»-ը նկարահանում Է ռեժիսոր Ռոբ Մարշալը, որը մինչ այդ աշխատել Է «Չիկագո»-ի եւ «Որքան խորանում ես անտառում» ֆիլմերի վրա, կախարդական դայակի մասին ֆիլմը նույնպես մյուզիքլ Է լինելու:

 

Կինոժապավենի համար երգերը գրելու են Մարկ Շայմենը եւ Սքոթ Ուիթմանը, ովքեր աշխատել են «Մազերի լաք» ֆիլմի եւ «Կյանքն ինչպես շոու» սերիալի վրա:

 

Սցենարի հեղինակը կդառնա Դեւիդ Մեգին, որն աշխատել Է «Պիի կյանքով» ֆիլմի վրա:

 

Կինոնկարի Էկրան բարձրանալու ենթադրվող ամսաթիվը դեռեւս հայտնի չԷ, հաղորդել Է «Ինտերֆաքս»-ը: