ESem.am-ի կազմած «ամառային» բլից հարցերին այսանգամ պատասխանել է դերասանուհի,«Անավարտ թռիչք» ֆիլմի գլխավոր հերոսուհի Տաթև Հովակիմյանը:
- Պատրաստվո՞ւմ ես արդյոք հանգստի մեկնել:
- Եթե Հայաստանս խաղաղվի, կարծում եմ, անպայման։
- Այս ամռանը որտե՞ղ և ո՞ւմ հետ ես մտադիր հանգստանալ:
- Հայրիկիս հետ. նպատակ ունենք մեկնելու Լենինգրադ։
- Ակտի՞վ, թե՞ պասիվ հանգստի կողմնակից ես:
- Ակտիվ… Եվ ավելի շատ սիրում եմ այցելել պատմական վայրեր, որտեղից հետս մի բան կբերեմ` ներաշխարհի փոփոխություն։
- Առհասարակ նախընտրում ես Հայաստանո՞ւմ այն անցկացնել, թե՞ դրսում, և ինչո՞ւ:
- Անկեղծ ասած, Հայաստանը շատ եմ սիրում, բայց պետք է տեսնել աշխարհը` բոլոր գեղեցկություններով և հետաքրքրություններով։
- Ըստ քեզ` ամռան հանգստի լավագույնը տարբերակը ո՞րն է:
- Ինձ համար, շատ անկեղծ, էլի ու էլի աշխատելը, ինձ համար աշխատանքս իմ լավագույն հանգիստն է։
- Ինչի՞ միջոցով կարելի է կոտրել ամռան տապը. ի՞նչն է ամռան լավագույն ընկերը:
- Լողավազանները։
- Հագուստի ի՞նչ գույներ ես նախընտրում ամռանը:
- Դեղին... Տարվա բոլոր եղանակներին հիմնականում մեղմ գույների կողմանիկից եմ։
- Քեզ համար ի՞նչ գույնով է ասոցացվում ամառը:
- Նոր կյանքի ու նոր մտքերի գույներով՝ ամենավառ։
- Նախորդ տարիների հանգստից ո՞րն է առավել տպավորվել և ինչո՞վ:
- Յուրաքանչյուր ամառ ունեցել է իր գեղեցիկ պատմությունը։
Ամառային հարցուփորձը` Արևիկ Իսաջանյանի