Խոյ
Խոյերին դժվար կլինի ամբողջությամբ խորասուզվել գործերում՝ խանգարող հանգամանքների պատճառով: Ուղևորությունները և կոնկրետ առիթներով հանդիպումները լավագույն արդյունքը կտան առավոտյան: Որքան մոտենում է երեկոն, այնքան ավելի է ցրվում ուշադրությունը: Անցանկալի են պատասխանատու ֆինանսական գործողությունները: Նոր ծանոթություններին նշանակություն մի՛ տվեք, քանի որ դրանց հեռանկարը կասկածելի է:
Ցուլ
Ցուլերին կարող է դավաճանել իրենց բնատուր գործնականությունը և հիմնավորությունը: Աճում է թեթևամիտ որոշումների, չմտածված ծախսերի, ընդհանուր անկայունության հավանականությունը: Աշխատանքը կարող է անփույթ կատարվել, այդ իսկ պատճառով ձեզ վրա մի՛ վերցրեք առավել պատասխանատու հատվածները և մի՛ վստահեք դրանք քիչ ծանոթ մարդկանց: Հետևե՛ք գրպաններին, պայուսակներին, քսակներին, բաց մի՛ թողեք մեքենայի դռները: Զարգացրե՛ք ձեր ինտուիցիան և դիտունակությունը, պետք եղած դեպքում ճկունորեն փոխե՛ք մարտավարությունը:
Երկվորյակ
Երկվորյակները համարձակորեն կարող են հույսները դնել իրենց գրավչության վրա, սակայն ոչ բոլոր ոլորտներում: Ռազմավարական կարևորություն ունեցող հարցերում չարժե խալտուրա անել կամ երկու ճակատով խաղալ՝ հույս ունենալով, որ ձեր անփությությունը չի նկատվի կամ ձեզ կներեն: Աստղերը խորհուրդ չեն տալիս նման մարտավարություն որդեգրել, այլապես վաղ թե ուշ ձեր սխալ հաշվարկները տխուր հետևանքներ կունենան: Եթե ինչ-որ բան չեք կարողանում, միանգամից խոստովանե՛ք: Ձեր անկեղծությունը հաճելի տպավորություն կթողնի:
Խեցգետին
Խեցգետիններին խորհուրդ է տրվում չարհամարհել մարդկային գործոնը: Հենց այն, այլ ոչ նյութական նվաճումներն են այսօր անհրաժեշտ ուշադրության կենտրոնում պահել: Հաջողությունները համեստ կլինեն, եթե ողջ աշխատանքը ձեզ վրա եք կրում և մարդկանց հետ յոլա չեք գնում: Հասե՛ք փոխըմբռնման նրանց հետ, ովքեր ձեզ օգնում են: Հաշտվե՛ք այն մտքին, որ ոչ բոլորն են կիսում ձեր բարոյական համոզմունքները և հոգևոր պահանջները: Այդ հարցում հադուրժողականություն դրսևորե՛ք:
Առյուծ
Առյուծները մտովի արդեն մեկ աստիճան առաջ են, սակայն իրականությունն այլ է: Երազելով ապագայի մասին՝ մի՛ մոռացեք, որ այժմ դեռ ներկայում եք: Ծրագրեր կազմելիս հաշվի առե՛ք հնարավոր փոփոխությունները: Հմայիչ նոր ծանոթներին կարող եք ճանաչել անսպասելի, հետաքրքիր, նույնիսկ կասկածելի կողմերից: Նրանց մի՛ վստահեք ձեր տան բանալիները, մի՛ պատմեք բիզնեսի և ձեր անցյալի մանրամասները: Բացառե՛ք անպետք անկեղծությունը և շփվե՛ք ձեր հաճույքի համար:
Կույս
Կույսերի ծրագրերի, ընտրության և մարտավարության վրա մեծապես ազդում է անձնական համակրանքը: Ուրախ կլինեք անշահախնդիր օգնություն ցուցաբերել նրան, ով ձեզ դուր է գալիս: Աստղերը խորհուրդ չեն տալիս դա անել մշտապես, քանի որ շրջապատը՝ ներառյալ ղեկավարությունը և տնեցիները, կարող են սկսել չարաշահել դա: Անձնական նոր շփումներում մի՛ շտապեք կրճատել անվտանգ հեռավորությունը, քանի որ մարդը կարող է լինել ոչ այնպիսին, ինչպիսին պատկերացնում եք: Պատրանքային հոգևոր մտերմությունը կհիասթափեցնի, եթե տրամադրված եք երկար, կայուն և ազնիվ հարաբերությունների:
Կշեռք
Կշեռքներին արտահայտված դրական էներգետիկայով ևս մեկ օր է սպասվում: Հիմնական ծանրաբեռնվածությունն ընկնում է ինտելեկտի և երևակայության վրա: Եթե ազատ րոպե ունեք, կարելի է զբոսնել, հաճույք ստանալ պատահական հանդիպումից: Օգտակար կլինի զբաղվել տարբերակների համեմատությամբ, հավելյալ տեղեկությունների կամ ստեղծագործ գաղափարների փնտրտուքով, որևէ վերլուծական աշխատանքի համար տվյալների նախնական հավաքագրմամբ: Շփումն ավելի լավ կընթանա ազատ ռեժիմով: Հեռվից եկող նորությունները քննադատորեն ընդունե՛ք, դրանք կարող են ճշգրտման կարիք ունենալ:
Կարիճ
Այսօր աստղերը Կարիճներին խորհուրդ չեն տալիս խորասուզվել լուրջ գործերի մեջ. ձեզ հաճախ կշեղեն, կամ ինքներդ երկար ժամանակ չեք կարողանա կենտրոնանալ: Նյարդայնացնող մարդկանց և իրադարձությունների մասին ժամանակավորապես մոռացե՛ք: Ավելի թեթև նայե՛ք ձեր և ուրիշների տարօրինակություններին, քանզի դրանք անձնական հմայքի անբաժանելի մասն են: Մի՛ մոռացեք հումորի զգացման մասին. այն շատ խնդիրներ կլուծի:
Աղեղնավոր
Եթե ցանկանում եք դուր գալ շրջապատին, խիստ և անսասան մի՛ եղեք: Դա հատկապես կարևոր է այն Աղեղնավորների համար, ովքեր հանդես են գալիս իրենց համար դեռ նոր ամպլուայով: Ավելի բարեկիրթ եղե՛ք, բաց եղե՛ք տարբեր զրուցակիցների համար: Հնարավոր է համակրանք զգաք միանգամից երկուսից ավելի մարդկանց նկատմամբ: Այդ դեպքում մի՛ շտապեք ընտրություն կատարել և հետևե՛ք նրանց, ովքեր ավելի շուտ են ձեր ուշադրությունը գրավել: Ծիծաղելի իրադրության մեջ հայտնվելիս՝ մի՛ փորձեք նեղանալ, ցույց տվե՛ք ձեր հումորի զգացումը և թեթև բնավորությունը:
Այծեղջյուր
Այսօր դժվարություններ գրեթե չեք ունենա, եթե հոգեպես ճկուն եք և հեշտությամբ հարմարվում եք առաջարկվող իրադրությանը: Չարժե շատ էներգիա ծախսել երկար ճառերի վրա: Ավելի շատ ժպտացե՛ք մարդկանց, սիրալիր եղե՛ք և կարիք չեք ունենա երկար բացատրել ձեր ցանկությունները: Ցանկացած տիպի պատասխանատու քայլերը թողե՛ք այլ օրվա: Այսօր դրանցից օգուտ չի լինի: Լավագույն դեպքում կարող եք ոչ վատ ժամանակ անցկացնել և հետաքրքիր տպավորություններ ստանալ:
Ջրհոս
Իրադրությունը տրամադրում է հանգստի և ազատ զբաղմունքների: Գերազանց օր է, եթե ցանկանում եք ցրվել կամ վերականգնվել սթրեսից հետո: Ստեղծագործ անձանց և հանրային դեմքերին ավելի հեշտ կլինի գտնել իրենց անհատական ոճը, որը գրավում է շրջապատին: Սերը և փառքը Ջրհոսների համար այսօր բեռ չեն, ընդհակառակը՝ նոր ուժ են հաղորդում: Եթե կարողացել եք հաջողության հասնել, ամրապնդե՛ք ձեր ձեռքբերումը:
Ձկներ
Մինչ ուշ երեկո ձեր ուշադրության կենտրոնում կլինեն նրբին հարցերը, որոնք հաճախ վերլուծության չեն ենթարկվում: Դրանք կարող են լինել փոխհարաբերությունների նրբություններ, էսթետիկ հաճույքներ: Ձեր առօրյա գործերին կօգնի շրջապատի բարյացակամ վերաբերմունքը: Գնահատե՛ք դա և մի՛ մոռացեք վճարել փոխադարձ սիրալիրությամբ: Տանը Ձկների համար այժմ կարևոր է հոգեբանական հարմարավետությունը, այլ ոչ նյութական առատությունը: Չարժե միանձնյա որոշում կայացնել՝ կապված անշարժ գույքի, բնակության վայրի, տան դասավորության և անհատական ոճի ընտրության հետ:
