buzzfeed.com կայքի լրագրող Սյուզի Արմիթաջը Քարդաշյան քույրերի և Քանյե Ուեսթի Հայաստան այցելությունից հետո կազմել է այն վայրերի և այն յուրահատկությունների ցանկը, որոնք կարող է զբոսաշրջիկը տեսնել, զգալ ու վայելել այստեղ:«20 փաստ, որոնք պետք է իմանալ Հայաստանի մասին» հոդվածում լրագրողը հետաքրքրական մանրամասներ է ներկայացնում:
1.Հայաստանը փոքրիկ լեռնային պետություն է, որ գտնվում է Հարավային Կովկասում
2. Մինչ անկախանալը Հայաստանը Խորհրդային Միության կազմում էր
Խորհրդային Հայաստանի լավագույն խորհրդանիշը մայրաքաղաք Երևանի կենտրոնում է: Այցելությունը Մայր Հայաստան հուշահամալիր պարտադիր է: «Այն խորհրդանշում է խաղաղություն»,- գրում է լրագրողը:
3. Երեւանում է գտնվում Ծիծեռնակաբերդի հուշահամալիրը
Սյուզի Արմիթաջը պատմում է, որ Քիմ և Քլոե Քարդաշյաններն ու Քանյեն այցելել են Օսմանյան կայսրությունում 1915թ. սպանված 1,5 միլիոն հայերի հիշատակը հավերժացնող Ծիծեռնակաբերդի հուշահամալիր: «Թուրքիան դեռ չի ճանաչել այդ ողբերգությունը որպես ցեղասպանություն, բացի այդ, ԱՄՆ-ն դեռ պետք է հրապարակավ հիշատակի միջոցառումը»,-գրել է նա:
4. Հայկական արմատներ ունի նաև Շերը
Կայքը տեղեկացնում է, որ Քարդաշյանները սփյուռքահայ միակ հայտնիները չեն, ովքեր այցելել են Հայաստան: Հայկական արմատներ ունեցող երգչուհի Շերը 1993 թ. նույնպես այցելել է իր պատմական հայրենիք:
5. Հայաստանը լարված հարաբերություններ ունի իր որոշ հարեւանների հետ
Լրագրողը ներկայացնում է հայ-թուրքական հարաբերություններն ու Ղարաբաղյան հակամարտությունը:
6. Հայաստանն առաջին պետությունն է, որ 301թ. ընդունել է Քրիստոնեությունը որպես պետական պաշտոնական կրոն:
Լրագրողը գրում է կիրակի օրը Վատիկանի Սուրբ Պետրոսի տաճարում տեղի ունեցած պատարագի մասին, որի ժամանակ Հռոմի Ֆրանցիսկոս պապը խոսել է Հայոց ցեղասպանության մասին:
7. Հայաստանը հինավուրց եկեղեցիների հայրենիք է
8. Նաեւ հինավուրց վանական համալիրների
9. Սա էլ Սեւանի վանական համալիրն է
10. Հաղպատի եկեղեցին է
Համամի՞տ եք, որ այնքան էլ մաշված չէ:
11. Հինավուրց մշակույթ ունենալուն զուգահեռ՝ Հայաստանը նաեւ արդի քաղաքակրթության մասնիկն է
Հանրապետության հրապարակի երգող շատրվաններն ու լույսերը պետք է տեսնել:
12. Հայաստանը նաեւ շախմատի երկիր է
13. Հայկական այբուբենը ամենագեղեցիկն է
14. Հայկական այբուբենն անգամ իր հուշարձանն ունի
15. Այն անգամ հայտնվում է հացաբուլկեղենի վրա
16. Եթե դուք դեռ չգիտեք, ապա Հայաստանը կոնյակի երկիր է
17. Այստեղի մրգի համը յուրահատուկ է
18. Եթե դուք այցելել եք Հայաստան, ապա պետք է համտեսեք հայկական ավանդական հացը` լավաշը
19. Հայկական սփյուռքը յուրահատկություններ ունի: Այն տարածված է ամբողջ աշխարհում
20. Այժմ նրանք ընդունում են նոր անդամների իրենց մեծ ընտանիքում
People here are calling Kanye "pesa" (groom), as in, he's OUR collective family member. What is this life?
— Karena Avedissian (@KarenaAv) April 13, 2015