«Տասներկուսը խփելուն պես սկսվեցին ուսանողներիս շնորհավորական զանգերն ու հաղորդագրությունները, որոնք ամբողջ գիշեր չդադարեցին: Նրանց հաջորդեցին ընտանիքիս անդամների ու մտերիմներիս շնորհավորական մաղթանքները: Այնքան մարդ է շնորհավորել, որ էլ ասելու չի, բայց, ցավոք, կա մեկը, ում շնորհավորանքին ամենից շատն էի սպասում, բայց նա այդպես էլ չշնորհավորեց»,- ESem.am-ի հետ զրույցում ասաց դերասանը, սակայն այդ մեկի մասին այլ մանամասներ հայտնել չցանկացավ:

 Նա նշեց, որ առաջին անակնկալն ու նվերնեն էլ ուսանողներն են մատուցել: «Առավոտյան դերասանական խմբից զանգեցին ու ինձ ստուդիա հրավիրեցին: Միանգամից գլխի ընկա, որ նվեր են պատրաստել, բայց երբեք չէի պատկերացնի, որ նման անակնկալ կլինի. այն ինձ իսկապես հուզեց: Կիևյան կամրջին կից վերգետնյա անցում կա, այդ անցումից մեծ գրել և կախել էին՝ Ընկեր Հայկ, մենք Ձեզ շատ ենք սիրում: Նրանց պատրաստած անակնկալն այսքանով չէր սահմանափակվում, լսարանում տորթով, տոնական գլխարկներով ու փուչիկներով ինձ էին սպասում: Հենց մտա լսարարան բարձր ձայնով սկսեցին երգել ու շնորհավորել»,- նշեց դերասանը՝ փաստելով, որ բացի հաճելի անակնկալները ուսանողները նաև անուշահոտ օծանելիք ու նորաոճ վերնաշապիկ են նվիրել իրեն:)

Հայկը նշեց, որ ամեն տարի փոքրիկ խնջույք է կազմակերպում տարեդարձի կապակցությամբ՝ հրավիրելով ընտանիքի ամենամոտ հարազատներին ու ընկերներին: «Ես ցուցադրական հավաքներ չեմ սիրում, կարևորագույն օրերը նախընտրում եմ ընտանիքիս ու մտերիմներիս շրջապատում անցկացնել: Այս տարին էլ բացառություն չէր, երոկոյան մտերիմներով հավաքվեցինք մեր տանը՝ կերանք, խմեցինք ու հաճելի զրուցեցինք»,- նշեց դերասանը:

Հիշելով մինչ այս ունեցած ամենատպավորիչ տարեդարձը՝ Հայկն ասաց, որ ամեն տարի յուրովի հետաքրքիր է անցկացրել օրը, միաժամանակ, միշտ տխուր է եղել: «Անբացատրելի բան է, հենց գալիս է այդ օրը ինձնից անկախ տխրում եմ»,- նկատեց նա:

Խոսելով ստեղծագործական կյանքում սպասվելիք նորությունների մասին՝ դերասանը նշեց, որ դեռ հստակ նորություններ չունի: «Հուսամ՝ շուտով կրկին հեռուստասերիալ կվերադառնամ:  Մի քանի տարի անդադար էկրաններին երևալուց հետո այժմ ինձ մոտ տևական դադար է: Միայն իմ ղեկավարած դերասանական ստուդիայում եմ դասավանդում»,- եզրափակեց նա: