«Կերպարս շատ նման է Անուշիկի կերպարին: Երբ այս կերպարի համար քասթինգ էր անցկացվում, ես մտա ներս ու բարևելուց հետո ասացին՝ Անաիս, հաջող, պարզ է, որ դու ես:) Անգամ չշարունակեցին քասթինգը: Անուշիկից հետո ինձ համար շատ հեշտ է խաղալ այս կերպարը»,- ասաց դերասանուհին՝ նշելով, որ այս դեպքում հերոսուհին ավելի գրոտեսկային է՝ հաշվի առնելով ժանրը: «Կարծում եմ՝ Անուշիկից կտարբերվի: Ես կփորձեմ այլ գույներ տալ նրան, սցենարիստն էլ այլ մարդ է»,- նկատեց նա:

ESem.am-ի հարցին՝ որպես դերասանուհի՝ հե՞շտ է ներկայանալ նմանատիպ կերպարներով, չէ՞ որ այս դեպքում հնարավորություն չի լինում ներկայանալ բազմապրոֆիլ և տպավորություն է ստեղծվում, որ դերասանն այլ ժանրում չի կարող խաղալ՝ Անաիսն արձագանքեց, որ թատրոնում ներկայանում է շատ բազմազան:

«Ինչ վերաբերում է սերիալներին՝ ներկայացվում է այն, ինչն ավելի մեծ պահանջարկ ունի: Ես հաճույքով եմ համաձայնել խաղալ այս սիթքոմում, որովհետև շատ հետաքրքիր դերասանների հետ եմ աշխատելու»,- ասաց դերասանուհին:

Անաիսը նշեց, որ այժմ դերասանական կազմի ընտրության վերջնական փուլն է և համոզմունք հայտնեց, որ նախագծում ընդգրկվելու են պրոֆեսիոնալներ: Նրա փոխանցմամբ՝ նկարահանումները կսկսեն մի քանի օրից: Սիթքոմը եթերում կլինի հավանաբար մարտին:

Ինչ վերաբերում է «Քաղաքում» հեռուստասերիալին՝ դերասանուհին նշեց, որ այն տևական դադարի մեջ է, սակայն չի վերջացել: