Հռոմում՝ De Russie 5-աստղանի հյուրանոցի բակում, տեղադրվել է 5 մետրանոց տոնածառ, որը զարդարվել է ոսկե և արծաթե պայուսակներով: Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, տոնածառը զարդարել են FENDI նորաձևության տան դիզայներները: Տոնածառը տեղադրվել է փայլփուն լույսերով լուսավորված պատվանդանի վրա:
Աշխարհի ամենաթանկ տոնածառը տեղադրվել է Արաբական Միացյալ Էմիրությունների Աբու Դաբի քաղաքի Emirates Palace հյուրանոցում: Նրա գինն ընդհանուր առմամբ կազմել է 11 միլիոն դոլար: Տոնածառի խաղալիքների դերում ներկայացվել են հայտնի դիզայներների զարդերը: