Դերասան Հովհաննես Դավթյանն արդեն չորրորդ անգամ իր «Անքնություն» Stand up ժանրում կատակերգությամբ հանդիսատեսին ներկայացնելու է այն խնդիրները, որոնցից յուրաքանչյուրին առնչվում է Հայաստանում բնակվող գրեթե յուրաքանչյուր քաղաքացի:  Դեկտեմբերի 14-ին չորրորդ անգամ Հ. Թումանյանի անվան տիկնիկային թատրոնի բեմում նա միայնակ կանդրադառնա սոցիալական, տնտեսական այն թեմաներին, որոնց պատճառով շատ-շատերը քնել չեն կարողանում: Հովհաննես Դավթյանի և Էդգար Կոստանդյանի հեղինակած մոնոներկայացման բեմադրիչն է Կարապետ Բալյանը:

 

«Ներկայացումը սկսվում է իմ անքնության խնդրով, բողոքներով, այնուհետև անցում եմ կատարում այլ թեմաների, որոնք այսօր ակտուլ են՝ սոցիալական, տնտեսական: Եթե ապրում ես Հայաստանում, չես կարող այդ թեմաներին, խնդիրներին չառնչվել: Եզրափակիչ մասում անդրադարձ եմ կատարում արտագաղթի թեմային: Ներկայացման ողջ ընթացքում կա հումոր, իսկ վերջում՝ ասելիք: Ես կողմ չեմ միայն ծիծաղի՝ առանց ասելիքի»,-Life.panoarama.am-ի հետ զրույցում կատակերգության բովանդակությունը հակիրճ այսպես ներկայացրեց Հովհաննես Դավթյանը: 

 

Շարունակությունը` այստեղ: