Ամռանը Շրի Լանկայում նշանված «Ռեինկարնացիա» բենդի վոկալիստ Ռոլանդ Գասպարյանն ու պարուհի Գայանե Հովհաննիսյանը հարսանիքի են պատրաստվում:) Նախապատրաստական աժիոտաժի մեջ գտնվող հարսնացուն ժամանակ գտավ  ու ESem.am-ին որոշ մանրամասներ պատմեց:

 

 

Զույգը կպսակադրվի նոյեմբերի 30-ին` Էջմիածնի Սուրբ Գայանե եկեղեցում:  Պարուհու խոսքով` իրենք մեծ ու ճոխ խնջույքների սիրահար չեն, և հարսանիքը համեստ և հանգիստ է լինելու:) Գայանեի փոխանցմամբ` հարսանեկան խնջույքին հրավիրված են միայն ամենամտերիմ հարազատներն ու ընկերները, որոնց թվում մի շարք հայտնիներ կան:

 

 

«Նշանդրեքից անմիջապես հետո սկսել ենք զբաղվել հարսանիքի նախապատրաստական աշխատանքներով: Ամեն բան երկուսով ենք անում` քննարկելով և համաձայնության գալով: Մեր ընկերներն էլ շատ են օգնում մեզ այս գործում»,- ESem.am-ին ասաց հարսնացուն:

 

Գայանեն հայտնեց, որ հարսի զգեստը պատվիրել է: Պարուհու պատկերացրած զգեստը շուտով պատրաստ կլինի:

Հարսնացուն հայտնեց, որ ամուսնությունից հետո անպայման մեկնելու են մեղրամսի, սակայն դեռ պարզ չէ, թե ո՞ւր: